සංස්කෘතික අරමුදල අල්ලා ගෙන ජාතික බදු බලවේගය සජිත්ට මඩ ගහනවා 

අරමුදල් තිබෙන්නේ මහා ජනයා දුක් විඳිද්දී පොදි ගසා ගෙන සිටීමට ද..?

මධ්‍යම සංස්කෘතික අමාත්‍යවරයා ලෙස සජිත් ප්‍රේමදාස මහතා එදා ගත් ක්‍රියා මාර්ග සහ එම අරමුදල් පාවිච්චි කළ ආකාරය ගැන විමර්ශනය කරන්නේ යැයි කියමින් ජනාධිපතිවරයා ප්‍රධාන ආණ්ඩුව කරන්නේ ඔහුට දේශපාලන වශයෙන් මඩ ප්‍රහාර එල්ල කිරීම යැයි සමගි ජන බලවේගයේ ජාතික සංවිධායක තිස්ස අත්තනායක මහතා චෝදනා කර සිටියි. 

2017 – 2020 කාල පරිච්ඡේදයේ දී මධ්‍යම සංස්කෘතික අරමුදලේ වියදම් පිළිබඳව 2019 දී පාර්ලිමේන්තුවේ දීර්ඝ විවාදයක් පැවැත් වූ නමුත් එහිදී සජිත් ප්‍රේමදාස මහතාට විරුද්ධව කිසිදු කරුණක් ඉදිරිපත් කිරීමට නොහැකි වූ බව ද තිස්ස අත්තනායක මහතා අවධාරණය කර සිටියි.  

මේ සිද්ධිය සම්බන්ධයෙන් පොදු ව්‍යාපාර පිළිබඳ පාර්ලිමේන්තු තේරීම් කාරක සභාවේ දී (COPE) පවා සාකච්ඡාවට භාජන වූ අතර එහිදී සජිත් ප්‍රේමදාස මහතා මධ්‍යම සංස්කෘතික අරමුදල යටතේ කිසිදු මුදල් අවභාවිතාවක් සිදු කර නොමැති බව තහවුරු වූ බවත් තිස්ස අත්තනායක මහතා හෙළි කරයි.

මේ සම්බන්ධයෙන් අල්ලස් හෝ දූෂණ විමර්ශන කොමිෂන් සභාවට පැමිණිල්ලක් ඉදිරිපත් වූ අවස්ථාවේ දී මේ සම්බන්ධ පෙර වාර්තා අධ්‍යයනය කොට ඒ සම්බන්ධයෙක් කිසිදු නීතිමය පියවරක් ගැනීමට නොහැකි බව අල්ලස් හෝ දූෂණ විමර්ශන කොමිෂන් සභාව පැහැදිලිව දැනුම් දී තිබෙන බව ද ඔහු පවසයි.

මරා ගෙන මැරෙන ආගමික අන්තවාදීන් එල්ල කළ පාස්කු ප්‍රහාරයෙන් විනාශයට පත් වූ ප්‍රධාන දේවස්ථාන තුනක්  à¶´à·Š‍රතිසංස්කරණය කිරීම සඳහා මධ්‍යම සංස්කෘතික අරමුදලේ මුදල් භාවිත කළ අතර ඒ සම්බන්ධයෙන් අග රදගුරු මැල්කම් රංජිත් හිමිපාණන් වහන්සේගේ සහ කතෝලික ප්‍රජාවගේ ප්‍රශංසාව සහ ගෞරවය සජිත් ප්‍රේමදාස මහතාට හිමි වූ බව ද තිස්ස අත්තනායක මහතා පෙන්වා දෙයි.

මධ්‍යම සංස්කෘතික අරමුදලේ මුදල් භාවිත කර රට පුරා පන්සල්, පල්ලි, කෝවිල් ප්‍රතිසංස්කරණය කටයුතු කර තිබෙන අතර  à¶¯à·„ම් පාසල් පවත්වා ගෙන යෑම සඳහා ස්ථීර ගොඩනැඟිලි ඉදි කර දීමට ද කටයුතු කර තිබෙන බව තිස්ස අත්තනායක මහතා සිහිපත් කරයි.

ඒ අනුව ජාතික ජන බලවේගය හෙවත් ජාතික බදු බලවේගය කරන්නේ,ප්‍රශංසාවට ලක් කළ යුතු කටයුතුවලට චෝදනා එල්ල කරමින් සජිත් ප්‍රේමදාස මහතාට දේශපාලන මඩ ප්‍රහාර එල්ල කිරීම යැයි ද, එම අබුත සහ අසත්‍ය චෝදනා සියල්ල ප්‍රතික්ෂේප කරන බව ද ඔහු තරයේ කියා සිටියි.